హుండీ చోరీ..! భయంతో మళ్ళీ తెచ్చిపెట్టారు..!

అమ్మవారి ఆలయంలో హుండీ దొంగతనం..!

ముగ్గురు సహచరులతో కలిసి ఎత్తుకెళ్లిన దొంగ..!

తెచ్చిన దగ్గర నుండి ఒంట్లో భయం..!

అనారోగ్యం పాలైన కుమారుడు..!

అమ్మవారు ఆగ్రహించారని వణికిపోయిన దొంగ..!

నెలరోజుల తర్వాత మళ్లీ ఆలయంలోకి హుండీ..!

యథాతథంగా తెచ్చిపెట్టిన దొంగ..

గ్రామస్తుల్లో ఆశ్చర్యం..!

అమ్మవారి దయ అంటూ సంతోషం..!

.......

హైదరాబాద్ : అమ్మవారి ఆలయంలో హుండీ దొంగతనం చేశాడు.. తనతో పాటు మరో ముగ్గురిని తీసుకెళ్లాడు.! హుండీ తీసుకువచ్చాడు..కానీ తెరిచే దైర్యం చేయలేకపోయాడు.!

ఒకవిధమైన భయం మనసును కుదురుగా ఉండనివ్వలేదు. ఈలోగా కుమారుడు అనారోగ్యం పాలయ్యాడు.! దీంతో దొంగ హడలిపోయాడు. తాను తప్పు చేశానని హుండీ దొంగతన. చేసినందునే అమ్మవారు ఆగ్రహించిందని కుమారుడి అనారోగ్యానికి కారణం అదేనని ఆందోళన చెందాడు.. అయితే చేతిలో చిల్లిగవ్వ లేకపోవడంతో..హుండీ నుండి కొంత డబ్బును ఎలాగోలా బయటకి తీసి కుమారుడికి వైద్యం చేయించాడు! హుండీ తిరిగి ఆలయంలో పెట్టేస్తానని, కుమారుడి ఆరోగ్యం కుదుటపడేలా అనుగ్రహించాలని అమ్మవారికి నొక్కుకున్నాడు. అనుకున్నట్లుగానే అనారోగ్యం తగ్గిపోవడంతో హుండీని తిరిగి అమ్మవారి ఆలయంలో పెట్టీ వెళ్ళాడు.! హుండీతో పాటు ఒక లేఖ వదిలివెళ్లాడు.. అందులో ఇదంతా రాసి ఉంది..!

హుండీ చోరీ చేసిన నెలరోజుల తర్వాత మళ్లీ డబ్బులతో సహా హుండీ అదే స్థానంలో ప్రత్యక్షం కావడంతో ఆలయ కమిటీ ప్రతినిధులు సంబ్రమాశ్చర్యాలకు లోనయ్యారు..!

లేఖ చూసిన తర్వాత వారికి విషయం అర్థమైంది..!

ఇదంతా అమ్మవారి మహత్యమేనని వారు పేర్కొన్నారు. హుండీని అధికారికంగా తెరిచి

లెక్కించారు..!

నిజంగానే దొంగ రాసిన లేఖలో చెప్పినట్లుగానే..డబ్బు అంతా అలాగే ఉంది..! కేవలం వైద్య ఖర్చులకోసం తీసాను అని చెప్పాడు కాబట్టి అది నామమాత్రమే అని ఆలయ నిర్వాహకులు చెబుతున్నారు...,!

హుండీలో డబ్బు లక్షకు పైగా ఉందని ఆలయ నిర్వాహకులు చెప్పారు..!

మొత్తం మీద ఈ ఘటన స్థానికంగా చర్చనీయాంశంగా మారింది..!

దయగల తల్లి అమ్మవారు.. అందువల్లే దొంగతనం చేసిన దొంగను కూడా అనుగ్రహించింది, కుమారుడి అనారోగ్యానికి కావలసిన డబ్బులు అమ్మ వారి దయతోనే అతను తీయగలిగాడని...అమ్మ దయ లేకపోతే ఇదంతా జరగదు అని భక్తులు సంతోషం వ్యక్తం చేస్తున్నారు..

ఈ ఘటన అనంతపురం జిల్లా బుక్కరాయ సముద్రంలోని ముసలమ్మ దేవాలయంలో చోటుచేసుకుంది..!

...