స్పీకర్ త్వరగా నిర్ణయం తీసుకోవాలి - సుప్రీమ్ కోర్టు

ఉత్కంఠ గా ఎదురుచూస్తున్న తీర్పు వచ్చేసింది.! ఎమ్మెల్యేల అనర్హత పిటిషన్లపై విచారణ చేసిన సుప్రీమ్ కోర్టు అనుకున్నట్లుగానే ఈరోజు తుది తీర్పు వెల్లడించింది..! మూడు నెలల లోగా ఈ అంశంపై కచ్చితంగా నిర్ణయం తీసుకోవాలని శాసనసభ స్పీకర్ ను ఆదేశిస్తూ కీలక తీర్పు వెలువరించింది. ఇలాంటి వ్యవహారాలలో ఎక్కువ రోజులు విచారణ చేయడం భావ్యం కాదని, త్వరగా నిర్ణయాలు తీసుకోవడం మంచిదని సుప్రీమ్ ద్విసభ్య ధర్మాసనం అభిప్రాయపడింది.!

సుప్రీమ్ కోర్టు చీఫ్ జస్టిస్ బీఆర్ గవాయ్, జస్టిస్ ఏజీ మసీహ్ ధర్మాసనం తీర్పును వెలువరించింది.!

అనర్హత పిటిషన్లను నిర్ణయించే పనిని స్పీకర్ లేదా చైర్మన్ కు పార్లమెంట్ ద్వారా అప్పగించడం యొక్క ఏకైక ఉద్దేశ్యం న్యాయస్థానాలలో జాప్యం చేసే వ్యూహాలను నివారించడమేనని.. త్వరిత పరిష్కారం కోసం స్పీకర్ లేదా చైర్మన్ కు పనిని అప్పగించడం అవసరమని పార్లమెంటు భావించిందని ధర్మాసనం తీర్పు సందర్భంగా వ్యాఖ్యానించింది..!

సుప్రీమ్ తీర్పుపై గులాబీ పార్టీ లో నిరాశ..!

తమ పార్టీ నుండి అధికార కాంగ్రెస్ పార్టీలో చేరిన పదిమంది ఎమ్మెల్యేలపై వేటు పడటం ఖాయమని, సుప్రీమ్ కోర్టు లో తీర్పు తమకు అనుకూలంగా ఉంటుందని బీఆర్ఎస్ నాయకులు ఆశించారు.!

రాష్ట్రంలో ఉప ఎన్నికలు రావడం ఖాయమని, తమ పార్టీకి పూర్వ వైభవం ఖాయమని నేతలు ఊహించారు..!

కానీ వారి ఊహించినదానికి భిన్నంగా తీర్పు రావడంతో గులాబీ నేతలు కాస్త డీలా పడిపోయారు.

నేరుగా అనర్హత వేటు వేసేలా సుప్రీమ్ తీర్పు ఉండబోతోందని ఊహించిన నేతలకు తాజా తీర్పు షాకిచ్చింది..!

స్పీకర్ నిర్ణయం తీసుకోవడం అయ్యే అని కాదని. ఏదో ఒక రకంగా అడ్డుకునే ప్రయత్నం చేయవచ్చనే అభిప్రాయం గులాబీ ముఖ్యుల నుండి వ్యక్తమవుతోంది..!

స్పీకర్ ఎలా స్పందించవచ్చు..? ఎలాంటి అవకాశాలు ఆయనకు ఉంటాయి..? అనే కోణాలను గులాబీ వర్తి నేతలు పరిశీలిస్తున్నారు.. !

…...

గులాబీ నేతలతో పాటు న్యాయ నిపుణులు అభిప్రాయాల ప్రకారం స్పీకర్ తీసుకునే చర్యలు నిర్ణయాలు కింది విధంగా ఉండవచ్చు..!

సాంకేతిక సాకులతో స్పీకర్ అడ్డుకట్ట వేయవచ్చు..!

ఇప్పటికే కోర్టు లో తాము బీఆర్ ఎస్ పార్టీలోనే ఉన్నామని.. కేవలం మర్యాదపూర్వకంగా సీఎం ను కలిశామంటూ అఫిడవిట్లు దాఖలు చేసిన పలువురు పార్టీ మారిన ఎమ్మెల్యేలు..!

ఫిరాయింపుల చట్టం తమకు వర్తించదని వాదిస్తున్న ఎమ్మెల్యేలు..!

మూడు నెలలకు మించి స్పీకర్ జాప్యం చేసిన పక్షంలో మళ్లీ సుప్రీమ్ కోర్టు తలుపు తట్టే అవకాశమే తప్ప ఏమీ చేయలేని పరిస్థితి..!

వాళ్ళు పార్టీ మారినట్లుగా సాంకేతిక ఆధారాలు సమర్పించాల్సిన బాధ్యత ఇపుడు బీఆర్ఎస్ పై ఉంది..

అది అంత సులువు కాదని భావిస్తున్న గులాబీ ముఖ్యులు...!

ఇక్కడ రాజీనామా చేసి... అక్కడ సభ్యత్వం తీసుకున్నట్లు ఆధారాలు లేవు కాబట్టి నిరూపించడం కష్టమనే అభిప్రాయం..!

కోర్టు పరిధి నుండి నిర్ణయం స్పీకర్ పరిధిలోకి రావడము ఇబ్బంది కరమే అని భావిస్తున్న గులాబీ ముఖ్యులు...

తగిన ఆధారాలు లేకుండా నిర్ణయం తీసుకోలేమని స్పీకర్ పెండింగ్ లో కూడా పెట్టవచ్చని... సుప్రీమ్ కు వివరణ కూడా ఇచ్చుకోవచ్చని.. ఇలాంటి పరిస్థితిలో తమకు అనుకూలంగా స్పీకర్ నిర్ణయం ఉంటుందని భావించలేమని అభిప్రాయపడుతున్న గులాబీ నాయకులు...!

.....