రాష్ట్ర బీజేపీలో అలజడి..!

రాష్ట్ర బీజేపీ లో బండి - ఈటల వివాదం ప్రకంపనలు సృష్టిస్తోంది..!

అధిష్టానానికి మాజీ అధ్యక్షుడు కిషన్ రెడ్డి నివేదిక అందచేసినట్లు తెలిసింది..!

రఘునందన్ రావు రామచంద్రరావు అరవింద్ కిషన్ రెడ్డి లక్ష్మణ్ తదితరులు నివేదికకు సంబంధించి తమ అభిప్రాయం వ్యక్తం చేసినట్లు తెలిసింది..

ఈటలను వ్యతిరేకించేవారు ఎక్కువగా ఉండడంతో పరిస్థితి ఎలా ఉండబోతోంది అర్థం చేసుకోవచ్చని నగరానికి చెందిన ఒక సీనియర్ నేత NEW SENSE కి చెప్పారు..

శామీర్ పేట్ సమావేశంలో ఈటల బండి పైన చేసిన విమర్శలకంటే... పార్టీ పై ఆయన వ్యక్తం చేసిన అభిప్రాయమే ఎక్కువగా నష్ట పరిచేదిగా ఉందని,తాను లేకపోతే హుజూరాబాద్ లో బీజేపీ నామ మాత్రమే అన్నట్లుగా ఆయన మాట్లాడిన తీరు పార్టీ కి ఆగ్రహం కలిగించే విషయమే అనే వాదన బలంగా వినపడుతోంది...

ఈటల కూడా అన్నింటికి సిద్ధమై ఉన్నట్లే కనిపిస్తోందని, స్థానిక ఎన్నికలలో తన వర్గానికి టిక్కెట్లు ఇవ్వకపోతే కోలుకోలేని నష్టం జరుగుతుందని, ఇపుడు గట్టిగా ఎదురు నిలవడం తప్ప ఈటల కు మరో అవకాశం లేదని... రాజకీయ వర్గాలు అభిప్రాయపడుతున్నాయి...

మరోవైపు బండి నేరుగా తన కార్యకర్తలను బెదిరిస్తుంటే ఎందుకు రాష్ట్ర నాయకత్వం మౌనంగా ఉందని, బండి కి మితిమీరిన స్వేచ్ఛ ఎలా ఇస్తారనే ఆగ్రహాన్ని కూడా ఈటల తన సన్నిహితుల వద్ద వ్యక్తం.చేసినట్లు తెలిసింది..

రామచందర్ రావు కూడా తనకు పూర్తిగా వ్యతిరేకిగా మారిపోయాడని... ఈ పరిస్థితుల్లో అధిష్టానం చొరవ చూపకుండా పట్టించుకోనట్లుగా ఉండటం కూడా సరికాదని అభిప్రాయపడినట్లు తెలిసింది..

కేంద్ర పార్టీ కి తెలియకుండా రాష్ట్రంలోని కొందరు ముఖ్యనేతలు బండి సంజయ్ నేతృత్వంలో జట్టుకట్టి తనను టార్గెట్ చేసినట్లుగా ఈటల అభిప్రాయపడుతున్నారు..

ఎవరేమనుకున్నా గట్టిగానే పోరాడాలనే నిర్ణయానికి వచ్చినట్లుగా తెలిసింది.

పార్టీ ఎలాంటి చర్యలు తీసుకున్నా ఇంకా తగ్గకూడదనే బలమైన నిర్ణయానికి వచ్చినట్లుగా తెలిసింది..

అయితే స్థానిక ఎన్నికల ముందు పార్టీలో ఇలాంటి పరిణామాలు చోటుచేసుకోవడం నేతలను కార్యకర్తలను ఆందోళనకు గురిచేస్తోంది... పార్టీలోని ఇద్దరు బలమైన బీసీ నేతల మధ్య పోరు ఏ మలుపు తీసుకుంటుందో అన్న ఆందోళన కూడా పార్టీ గ్రామీణ ప్రాంతాల్లో వ్యక్తమవుతుంది.

ఇప్పటికిప్పుడు ఈటల పై చర్యలు తీసుకుంటే నష్టమే ఎక్కువగా ఉంటుందని.. బలవంతంగా బయటకు పంపే ఏర్పాట్లు చేసినట్లుగా అపవాదు తప్పదని, ఒక బీసీ నాయకుడిగా ఉన్న ఆయనపై చర్యల విషయంలో అధిష్టానం కూడా ఆచి తూచి వ్యవహరించక తప్పదనే వాదన పార్టీ వర్గాల నుండి వినిపిస్తోంది...

......

వైరల్ గా మారిన బండి సంజయ్ పాత వీడియో...

గతంలో పార్టీ రాష్ట్ర నాయకత్వం పై అసంతృప్తి వ్యక్తం చేస్తూ పార్టీకి రాజీనామా వీడుతున్నట్లు వ్యాఖ్యలు చేసిన బండి సంజయ్ వీడియో ఒకటి తాజాగా వైరల్ అవుతోంది..

2017 లో ఆయన పార్టీ రాష్ట్ర నేతలతో పొసగక రాజీనామా చేశారు. ఆ సందర్భంగా ఆయన రాష్ట్ర నేతలపై విమర్శలు చేశారు. మోడీ ఆధ్వర్యంలో కేంద్ర ప్రభుత్వం ప్రజారంజక పాలన చేస్తుంటే.. కొందరు పార్టీకి నష్టం చేసేవిధంగా వ్యవహరిస్తున్నారంటూ మండి పడ్డారు... ఇపుడు ఆ వీడియో వైరల్ గా మారడం బండి కి కొంత ఇబ్బంది గా మారినట్లు కనిపిస్తోంది..

పాత వీడియో ను బయటకు తెచ్చి వైరల్ చేస్తున్నది ఇదంతా బీఆర్ఎస్ పనేనని గతంలో కూడా ఇలాగే చేసినట్లుగా బండి వర్గం అనుమానిస్తోంది.. ఈటలకు మద్దతుగా నిలుస్తున్న బీఆర్ఎస్ తమ నాయకుడిపై దుష్ప్రచారం చేస్తోందని బండి వర్గం ఆరోపిస్తోంది..

చూడాలి రాష్ట్ర బీజేపీ రాజకీయాలు ఏ మలుపు తీసుకుంటాయో..!

••••••

#BandiSanjay #Etala #బీజేపీ #bjp #బండి #ఈటల #telanganabjp #బీజేపీతెలంగాణ