ఎలా ముందుకెళ్దాం..?

హైకోర్టు స్టే పై ఏంచేద్దాం..?

సుప్రీమ్ కోర్టుకు వెళ్లడమా..?

న్యాయనిపుణులతో సుదీర్ఘ మంతనాలు..!

ఎటూ తేల్చుకోలేక పోతున్న ప్రభుత్వం..!

తదుపరి కార్యాచరణపై నేడు సమావేశం..!

జాగ్రత్తగా ముందుకెళ్లాలని సూచనలు..?

కమలం గులాబీ పార్టీలపై గురి..!

బీసీల్లో విశ్వాసం కలిగించేలా ఉండాలని సూచనలు..!

.......

హైదరాబాద్ : స్థానిక సంస్థల నోటిఫికేషన్ ను నిలిపివేస్తూ హై కోర్టు ఆదేశాలిచ్చిన నేపథ్యంలో బీసీ రిజర్వేషన్లపై ఎలా ముందుకు వెళ్ళాలనే విషయంపై ఇంకా స్పష్టంగా ఒక నిర్ణయానికి రాలేదు...

ప్రస్తుతం నిన్నటి నుండి సుదీర్ఘంగా న్యాయ నిపుణులతో మంత్రులు పార్టీముఖ్యులు చర్చిస్తున్నారు..

హై కోర్టు స్టే ఇచ్చిన నేపథ్యంలో సుప్రీమ్ కోర్టుకు వెళ్ళే విషయంలో న్యాయ నిపుణుల అభిప్రాయాలను బట్టి నిర్ణయం తీసుకోవాలని అనుకుంటున్నట్లుగా పార్టీ ముఖ్యులు చెబుతున్నారు..

ఏదైనా బీసీ మంత్రులు ఎమ్మెల్యేల అభిప్రాయాలను అనుసరించి తదుపరి కార్యాచరణ ఉంటుందని పార్టీ ముఖ్యులు చెబుతున్నారు..

ఇటీవల రిజర్వేషన్లను వ్యతిరేకిస్తూ వంగా గోపాల్ రెడ్డి సుప్రీమ్ కు వెళ్లిన సందర్భంలో పిటిషన్ ను తిరస్కరిస్తూ హై కోర్టులో విచారణ ఉంది కాబట్టి అక్కడే తేల్చుకోవాలని సూచించింది..!

ఇపుడు ప్రభుత్వం సుప్రీమ్ కు వెళ్తే మళ్ళీ అదే విధంగా సుప్రీమ్ నుండి స్పందన ఉండొచ్చనే సంశయం న్యాయ నిపుణులు వ్యక్తం చేసినట్లు తెలిసింది..

రాజ్యంగా బద్దంగా రిజర్వేషన్లపై ముందుకు వెళ్లలేదు కాబట్టి ప్రతికూల తీర్పులు వస్తె మొదటికే మోసం.వస్తుందని.. ఏదైనా హై కోర్టు లోనే తేల్చుకోవడం మంచిదనే ఆలోచనలో అధికారపార్టీ నేతలు ఉన్నట్లు తెలుస్తోంది..

ఆరు వారాల గడువు ఉంది కాబట్టి ఈ లోగా బీజేపీ బీఆర్ఎస్ లను టార్గెట్ చేసి ప్రజల్లోకి వెళ్లాలని.. వాళ్ళ వల్లే రిజర్వేషన్లు నిలిచిపోయాయనే అంశాన్ని బలంగా ప్రజల్లోకి తీసుకువెళ్లాలని.. రిజర్వేషన్లు వచ్చినా రాకపోయినా కాంగ్రెస్ పార్టీ.. ప్రభుత్వం చిత్తశుద్ధితో తీవ్ర ప్రయత్నాలు చేసినట్లుగా ప్రజల్లో విశ్వాసం కలిగించాలని కొందరు ముఖ్యులు సూచించినట్లు తెలుస్తోంది..

సుప్రీమ్ కు వెళ్లకపోతే తప్పుడు అభిప్రాయం వ్యక్తమయ్యే ప్రమాదం ఉందని.. ఏది ఏమైనా సుప్రీమ్ కు వెళ్లాల్సిందే అని కొందరు మంత్రులు పార్టీ పెద్దలు సూచించినట్లు తెలుస్తోంది..

పూర్తిగా న్యాయ నిపుణుల అభిప్రాయాన్ని బట్టి ముందుకు వెళ్లకూడదని.. రాజకీయ పరంగా కూడా ఆలోచించి ఎలా ముందుకు వెళ్ళాలో నిర్ణయించుకోవడం మంచిదని కూడా సూచించినట్లు తెలుస్తోంది..

ప్రస్తుతం హై కోర్టు స్టే వల్ల అధికార పార్టీ.. ప్రభుత్వంలో గందరగోళ పరిస్థితి నెలకొన్నట్లు తెలుస్తోంది.. అభిప్రాయ బేధాలు వైరుధ్యాలు తలెత్తినట్లు తెలుస్తోంది..

హై కోర్టు లో న్యాయవాది రవి వర్మ వినిపించిన వాదన అగ్రకులాల వారికి ఆగ్రహం కలిగించిందని... ఆయన వాదన అంశాలు పూర్తిగా మీడియాలో హైలైట్ కావడం పార్టీకి నష్టం కలిగించిందని ఒకరిద్దరు ముఖ్యులు ఆందోళన వ్యక్తం.చేసినట్లు తెలిసింది..

అన్నివర్గాల ప్రజల మద్దతుతో అధికారంలోకి వచ్చామని.. రిజర్వేషన్ల విషయంలో పార్టీ విశాల ప్రయోజనాలు ముఖ్యమని బావించి ఇష్టం లేకపోయినా మద్దతు ఇస్తున్నామని.. అలాంటప్పుడు అగ్రకులాలను అవమానించేవిధంగా వ్యవహరిస్తే అంతిమంగా పార్టీకి నష్టం తప్పదని.. న్యాయవాదులు కాస్త జాగ్రత్తగా మాట్లాడితే బావుంటుందని... కోర్టులో జరిగే వాదనల అంశాలు వ్యాఖ్యలు ఎక్కువగా ప్రజల్లోకి వేగంగా వెళ్తున్నాయని.. ఈ క్రమంలో పార్టీ పరంగా ఇబ్బందులు లేకుండా చూసుకోవాలని సూచించినట్లు సమాచారం..

మొత్తంగా ఇపుడు పార్టీ ప్రభుత్వ పరంగా ఒక సమన్వయంతో స్పష్టంగా అత్యంత జాగ్రత్తగా ముందుకెళ్లాలనీ.. విపక్షాలు ఇప్పటికే పార్టీని ప్రభుత్వాన్ని టార్గెట్ చేసి బీసీలను మోసం చేస్తోందనే ప్రచారానికి దిగుతున్నాయని.. వారి విమర్శల దాడిని.. ఆరోపణలను గట్టిగా తిప్పికొట్టేలా ద్విముఖ వ్యూహంతో ముందుకు వెళ్ళాలని ఒక సీనియర్ నేత సూచించినట్లు తెలుస్తోంది..

...