అధిష్టానం భరోసా ఇచ్చిందా..?

• రాజీనామా చేస్తే టికెట్ ఇస్తారా..!

• ఇవ్వకపోతే ఏంచేయాలి..!

• టెన్షన్ లో దానం. కడియం..!

• ముందే స్పష్టత ఇచ్చే యోచనలో అధిష్టానం..!

• అధిష్టానం అభిప్రాయాన్ని నాగేందర్ కు వివరించిన మంత్రి శ్రీధర్ బాబు..!

• కడియం కు మళ్లీ టిక్కెట్ డౌటే అంటున్న రాష్ట్ర నేతలు..!

.....

హైదరాబాద్, న్యూ- సెన్స్ డెస్క్ : మంత్రి శ్రీధర్ బాబుతో ఎమ్మెల్యే దానం నాగేందర్ భేటీ అయ్యారు. నిజానికి ఇది సాధారణ భేటీ కాదు..! పార్టీ మారిన ఎమ్మెల్యేలకు అధిష్టానం వైపు నుండి స్పష్టత ఇచ్చే విషయంలో తొలి భేటీ అనుకోవచ్చు..!

అధిష్టానం ఆలోచనను మంత్రి శ్రీధర్ బాబు స్పష్టంగా దానం కు వివరించినట్లు తెలిసింది.! స్పీకర్ ఇప్పటికే నోటీసులు ఇచ్చిన నేపథ్యంలో ఈ సమావేశం తర్వాత దానం నిర్ణయం ఉండబోతోంది...! అధిష్టానం వైపు నుండి కాంగ్రెస్ పార్టీలో భవిష్యత్తులో దానంకు ఇవ్వబోయే ప్రాధాన్యత తదితర అంశాలపై మంత్రి శ్రీధర్ బాబు ద్వారా హామీ ఇచ్చే ప్రయత్నం చేశారు. అధిష్టానం వైపు నుండి స్పష్టత వచ్చిన తర్వాత తన నిర్ణయం ప్రకటించాలని ముందే నిర్ణయించుకున్న దానం.. ఈ భేటీ అనంతరం కీలక నిర్ణయం తీసుకోనున్నట్లు తెలుస్తోంది..!

ఖైరతాబాద్ లో ఎమ్మెల్యే టికెట్.. గెలిచిన తర్వాత మంత్రి పదవి మరో రెండు అంశాలతో అధిష్టానం వద్ద డిమాండ్ల ప్రతిపాదన చేసిన దానం.. అందుకు తగినట్లుగా హామీ పొందినట్లుగా తెలుస్తోంది. అయితే ఈరోజు నేరుగా మంత్రి ద్వారా దానం కు వివరించే అంశాలే హామీ గా పరిగణించాల్సి ఉంటుందని పార్టీ ముఖ్యుడు ఒకరు తెలిపారు.

•••••

ఇక కడియం శ్రీహరి విషయంలో అధిష్టానం అభిప్రాయం వేరుగా ఉన్నట్లు తెలుస్తోంది..

గత ఎంపీ ఎన్నికలలో అటు దానం నాగేందర్ కు.. ఇటు కడియం కుమార్తెకు కాంగ్రెస్ పార్టీ టిక్కెట్లు ఇచ్చింది...

దానం ఓడిపోగా.. కడియం కుమార్తె గెలుపొందారు..!

కడియం కు సంబంధించి భూములు ఇతరత్ర లబ్ధి చేకూర్చింది..!

ఇపుడు కడియంకు ప్రాధాన్యత ఇచ్చే విషయంలో.. రాజీనామా చేస్తే మళ్ళీ టికెట్ విషయంలో అధిష్టానం వైపు నుండి పెద్దగా స్పందన లేదని.. టికెట్ ఇస్తారో లేదో కూడా స్పష్టత లేదని తెలుస్తోంది..!

కడియంకు ఎమ్మెల్యే టికెట్ కాకుండా ఏదైనా నామినేటెడ్ పోస్ట్ ఇవ్వడమే మంచిదని రాష్ట్ర పార్టీ నేతలు ప్రతిపాదించినట్లు తెలుస్తోంది..

మంత్రి కొండా సురేఖతో విబేధాలు.. ఉమ్మడి వరంగల్ జిల్లాలో కడియం గ్రూప్ తగాదాలు సృష్టిస్తున్నారని ఫిర్యాదులు ఉన్నాయి..

కొత్తగా పార్టీకి వచ్చిన కడియం ఆదిపత్యం చెలాయించే ప్రయత్నం చేస్తున్నారని ఉమ్మడి జిల్లాలోని పలువురు నేతలు ఫిర్యాదులు చేశారు.

అయితే ఆయనకు ఉన్న సీనియారిటీని దృష్టిలో పెట్టుకుని అధిష్టానం నిర్ణయం తీసుకునే అవకాశముంది..

. ..