ఇమ్మడి బొమ్మ..!

హైదరాబాద్ : ఇంటిపేరు ఇమ్మడి లోని ఐ అక్షరాన్ని తీసుకుని ఐబొమ్మ అని పేరు పెట్టిన రవికుమార్ సాఫ్ట్వేర్ ఉద్యోగాన్ని వదిలి నేరాల బాట పట్టాడు..

ఐదేళ్ల క్రితం భార్యతో విడాకులు తీసుకున్న రవి ఆతర్వాత అజ్ఞాతంలోకి వెళ్లి ఐబొమ్మ పేరుతో కార్యకలాపాలు మొదలు పెట్టాడు..

కొత్త సినిమాని విడుదలైన రోజే దొంగచాటుగా థియేటర్లలో వీడియో తీయించడం..పైరసీ చేయడం.. వాటిని వెంటనే ఐబొమ్మ వెబ్ సైట్ లోకి అప్ లోడ్ చేయడం చేస్తుండేవాడు...

అలా సినిమా విడుదల.అవ్వగానే ఇలా ఐబొమ్మ లో సినిమా ప్రత్యక్షం కావడంతో సినీ పరిశ్రమ బెంబేలెత్తిపోయింది...

ఓటిటి సినిమాలను కూడా హై డెఫినేషన్ ప్రింట్ పైరసీ చేయడంతో ఐబొమ్మ దెబ్బకి అవికూడా నష్టపోయే ప్రమాదం ఏర్పడింది..

ఐబొమ్మ సినీ పరిశ్రమకే ఒక ప్రమాదకర శత్రువుగా మారిపోయింది..!

దేశవ్యాప్తంగా సినిమా పైరసీకి పాల్పడేవాళ్లను గుర్తించి చర్యలు తీసుకున్న పోలీసులు ఐబొమ్మ విషయంలో విఫలమయ్యారు...

నిందితుడు ఇమ్మడి రవి ఆచూకీ కనుక్కునేందుకు విశ్వ ప్రయత్నం చేశారు...

ఇదిలా ఉండగా రెండేళ్ల క్రితం పోలీసులకు సవాలు విసురుతూ రవికుమార్ సోషల్మీ డియాలో చేసిన పోస్ట్ అలజడి సృష్టించింది..

పోలీసులకు మరింత పౌరుషాన్ని రగిల్చింది..

అతన్ని ఎలాగైనా పట్టుకుని తీరుతాం అంటూ రెండు మూడు నెలల క్రితం నాటి హైదరాబాద్ సీపీ ఆనంద్ బిష్మ ప్రతిజ్ఞ చేశారు...

అన్నట్లుగానే ఐబొమ్మ వేటను ఉదృతం చేశారు...

చివరికి నెదర్లాండ్ లో ఉన్నట్లు గుర్తించారు...

నెదర్లాండ్ నుండి నగరానికి వచ్చిన రవిని కూకట్ పల్లి లోని అతని సొంత నివాసంలోనే అరెస్ట్ చేశారు...

మొత్తానికి పోలీసులకు తాను దొరకనని విర్రవీగిన రవి చివరికి కటకటాల పాలయ్యాడు...

రవి అరెస్ట్ దేశవ్యాప్తంగా సంచలనం సృష్టించింది...

నిన్న అరెస్ట్ చేసి రిమాండ్ కు తరలించిన పోలీసులు అతన్ని ఏడు రోజుల కస్టడీకి ఇవ్వాలని కోర్టు లో పిటిషన్ దాఖలు చేశారు.

సోమవారం విచారణకు రానుంది...

ఐ బొమ్మ పై పోలీసులు ప్రత్యేక దృష్టిపెట్టడంతో తెలివి ప్రదర్శించిన రవి బప్పం టీవీ పేరుతో మరో యూట్యూబ్ ఖాతా ప్రారంభించి అందులో పైరసీ చేసిన సినిమాలను కొంత కాలంగా అప్ లోడ్ చేస్తున్నాడు..

రవిపై నమోదైన తీవ్ర నే దృష్ట్యా అతనికి ఇప్పట్లో బెయిల్ వచ్చే అవకాశం లేదని తెలుస్తోంది. మొత్తానికి బొమ్మ రవి ఆట కట్టించడంలో పోలీసులు సాధించిన విజయంపై సినీ పరిశ్రమ నుండి ప్రశంసలు వ్యక్తమవుతున్నాయి..