
చిక్కుల్లో కాంగ్రెస్ అభ్యర్థి..!
- Writer Desk

- Oct 10
- 1 min read
పీజేఆర్ పై నవీన్ యాదవ్ వివాదాస్పద వ్యాఖ్యలు..!
జూబ్లీహిల్స్ నాన్ లోకల్ అంటూ కామెంట్స్..!
మండిపడ్డ మహానాయకుడి అభిమానులు..!
క్షమాపణ చెప్పాలని డిమాండ్..!
....
హైదరాబాద్ : నోరు జారిన నవీన్ యాదవ్..! పీజేఆర్ ను లోకల్ కాదంటూ వ్యాఖ్యలు..!

జూబ్లీహిల్స్ కాంగ్రెస్ అభ్యర్థి నవీన్ యాదవ్ నోరు జారాడు.. పీజేఆర్ నాన్ లోకల్.. మేమే లోకల్ అంటూ వ్యాఖ్యలు చేశాడు.. గత 47 ఏళ్లలో ఒక్కసారి కూడా జూబ్లీహిల్స్ లోకల్ వ్యక్తులకు టికెట్ దక్కలేదని.. ప్రజల్లో గొప్పనేతగా కీర్తిపొందిన దివంగత నేత పీజేఆర్ కూడా జూబ్లీహిల్స్ లోకల్ కాదంటూ మీడియా ముందు వ్యాఖ్యలు చేశాడు..
ఇపుడు ఈ వ్యాఖ్యలు దుమారం రేపుతున్నాయి. నవీన్ వ్యాఖ్యలపై పీజేఆర్ అభిమానులు తీవ్రంగా మండిపడుతున్నారు. పీజేఆర్ ఉమ్మడి రాష్ట్రంలో ఎంతో పేరున్న గొప్ప నాయకుడిగా కొనసాగారని.. దేశవ్యాప్తంగా గుర్తింపు కలిగిన ప్రజానాయకుడని.. భౌతికంగా లేకపోయినా.. కోట్లాదిమంది అభిమానుల గుండెల్లో చిరస్థాయిగా నిలిచిపోయారని.. అలాంటి గొప్పనేత గురించి లోకల్ నాన్ లోకల్ అంటూ అవమానించే మాటలు మాట్లాడితే తీవ్రపరిణామాలు ఎదుర్కోవాల్సి వస్తుందని పీజేఆర్ అభిమానులు హెచ్చరిస్తున్నారు...!

క్షమాపణ చెప్పకపోతే గుణపాఠం తప్పదు..!
ఖైరతాబాద్ అంటేనే పీజేఆర్ పేరు గుర్తుచేసుకుంటారు... దేశంలోనే నాడు అతిపెద్ద అసెంబ్లీ నియోజకవర్గం! ఇప్పుడు ఏదో కొత్తగా వచ్చిన నియోజకవర్గాల్లో జూబ్లీహిల్స్ వచ్చింది తప్ప ఎప్పటినుండో ఉన్నది కాదనే విషయాన్ని నవీన్ సహా అలాంటి భావనలు ఉన్న నేతలు గుర్తుంచుకోవాలని పీజేఆర్ అభిమానులు అన్నారు. 47 ఏళ్ల నుండి జూబ్లీహిల్స్ నియోజకవర్గం ఎక్కడ ఉందో నవీన్ చెప్పాలని నిలదీస్తున్నారు. నిన్నగాక మొన్న కాంగ్రెస్ పార్టీలో చేరిన నవీన్ కుటుంబం పీజేఆర్ లాంటి గొప్ప నాయకుడి గురించి మాట్లాడే హక్కు ఉందా? అంటూ ఓ అభిమాని ప్రశ్నించారు. నవీన్ స్థాయి ఏంటో ఒకసారి గుర్తు చేసుకుంటే మంచిదని.. రాజకీయ లబ్ధి కోసం పార్టీలు మారిన చరిత్ర శ్రీశైలం కుటుంబానిదని.. వెంటనే తనకుమారుడితో శ్రీశైలం క్షమాపణ చెప్పించాలని.. లేదంటే తగిన గుణపాఠం తప్పదని.. నవీన్ అభ్యర్థిత్వాన్ని పీజేఆర్ అభిమానులు వ్యతిరేకించే పరిస్థితి తెచ్చుకోవద్దని అభిమానులు హెచ్చరించారు. నవీన్ క్షమాపణలు చెప్పని పక్షంలో ఆయనకు ఓటు వేసే ప్రసక్తే ఉండదని.. కాంగ్రెస్ అధిష్టానం దీనిపై స్పందించి క్షమాపణలు చెప్పించాలని పీజేఆర్ అభిమానులు డిమాండ్ చేస్తున్నారు..
....









Comments