top of page

ఏడేళ్ల తర్వాత కింగ్ డమ్..!

  • Writer: Writer Desk
    Writer Desk
  • Jul 31
  • 2 min read

హైదరాబాద్ : విజయ్ దేవరకొండ లేటెస్ట్ మూవీ కింగ్ డమ్ కు పాజిటివ్ టాక్ రావడంతో విజయ్ ఫ్యాన్స్ ఆనందానికి అవధులు లేకుండా పోతోంది..


థియేటర్ల వద్ద ఫ్యాన్స్ హంగామా మామూలుగా లేదు.!


మరోవైపు సినీరంగానికి చెందిన పలువురు ప్రముఖులు కూడా విజయ్ కు చిత్ర యూనిట్ కు సోషల్ మీడియా ద్వారా అభినందనలు తెలియచేస్తున్నారు...


ఇక విజయ్ తో అత్యంత సన్నిహితంగా ఉండే దోస్త్.. రష్మికా మందన్న అయితే..*మనం కొట్టినం..!* అంటూ ఎక్స్ లో విజయ్ కి మెసేజ్ పోస్ట్ చేసింది..!


అంతే కాదు.. ఇది నీకు మరియు నిన్ను ప్రేమించే వారందరికీ ఎంత అర్థమవుతుందో నాకు తెలుసు.! అంటూ రష్మిక మెసేజ్ లో కామెంట్ పెట్టారు..!


నిజానికి రష్మిక మెసేజ్ లో ఒక మంచి హిట్ కోసం విజయ్..ఆయన అభిమానులు ఎంతగా ఎదురు చూస్తున్నారో..! అది ఈరోజు సాధించారు..! అన్నట్లుగా ఉంది.

ree

వరుస పరాజయాలు... అంతంతమాత్రం గుర్తింపు తెచ్చిన సినిమాలే తప్ప గీత గోవిందం సినిమా తర్వాత విజయ్ కి మంచి హిట్ సినిమా ఇప్పటివరకు లేదు..!


ఎన్నో ఆశలు పెట్టుకున్న పాన్ ఇండియా మూవీ లైగర్ అట్టర్ ఫ్లాప్ కావడం పెద్ద షాక్ ఇచ్చింది..!


ఇదే సినిమాతో పాన్ ఇండియా ఫార్మాట్ లోకి వెళ్లాలని ఆశపడిన దర్శకుడు పూరి జగన్నాథ్, హీరో విజయ్ కు కోలుకోలేనంత షాక్ తగిలింది..!


భారీ బడ్జెట్, తారాగణంతో స్వయంగా పూరి సినిమాను రూపొందించారు.. అయితే సినిమా పెద్ద డిజాస్టర్ కావడంతో పూరీ ఆర్థికంగా తీవ్ర సంక్షోభంలో కూరుకుపోయారు.. ఇప్పటికీ ఆయన పూర్తిగా కోలుకోలేకపోతున్నారు.


లైగర్ తర్వాత ఖుషీ సినిమా తో విజయ్ మళ్ళీ ప్రేక్షకులముందుకు వచ్చారు. రిలీజ్ కి ఖుషీ సాంగ్స్ అందరినీ ఎంతో ఆకట్టుకున్నాయి..! ముఖ్యంగా యూత్ కి సాంగ్స్ బాగా కనెక్ట్ అయ్యాయి.


సాంగ్స్ బావున్నాయి కాబట్టి కచ్చితంగా విజయ్ ఖాతాలో మంచి హిట్ పడుతుంది అనుకున్నారు అభిమానులు. అటు ఖుషీ లో విజయ్ తో జత కట్టిన సమంత కూడా ఎన్నో రోజులుగా మంచి హిట్ కోసం ఎదురు చూస్తున్నారు.

ఈ ఇద్దరి కాంబినేషన్ కు పబ్లిక్ లో మంచి టాక్ కూడా వచ్చింది. అయితే సినిమా విడుదలైన తర్వాత అంచనాలు తప్పినట్లుగా అనిపించింది. ఆశించినంత ఆకట్టుకునే కథ, కథనం లేకపోవడంతో కేవలం సినిమా హిట్ అనిపించుకోవడం తప్ప.. ఊహించిన స్థాయిలో విజయం మాత్రం సాధించలేదు..


ఇక ఖుషీ తర్వాత గతేడాది విడుదలైన ఫ్యామిలీ స్టార్ సినిమా కూడా నిరాశ పరిచింది. కుటుంబ బాధ్యతలు మోసే వ్యక్తిగా.. కాస్త భిన్నమైన కథాంశంతో కంప్లీట్ ఫ్యామిలీ స్టార్ గా విజయ్ చెందిన ప్రయోగం.. పెద్దగా ఆకట్టుకోలేదు... ఈ సినిమా రెండు వారాల్లోనే తెరమరుగైంది..


మొత్తంగా చూస్తే అర్జున్ రెడ్డి, గీత గోవిందం చిత్రాలతో రౌడీ స్టార్.. యూత్ స్టార్ గా ట్రెండింగ్ హీరో గా మారిన విజయ్ దేవరకొండ సినిమా జయాపజయాలతో సంబంధం లేకుండా.. ఈవెంట్స్, ఫ్యాషన్, డిఫరెంట్ లైఫ్ స్టైల్ ఫోటో షూట్స్ తో ఎప్పటికప్పుడు యూత్ ను ఆకట్టుకునే ట్రెండ్ ను ఫాలో అవుతున్న విజయ్..తనను తాను ట్రెండింగ్ లో నిలుపుకోవడంలో సక్సెస్ అయ్యాడు..


2018 లో వచ్చిన గీత గోవిందం సినిమా తర్వాత భారీ హిట్ సినిమా లేకపోయినప్పటికీ.. ఏడేళ్ల పాటు పాపులారిటీ నీ కాపాడుకోవడమే ఇందుకు నిదర్శనం..!


కింగ్ డమ్ సినిమాకి పాజిటివ్ టాక్ వచ్చినప్పటికీ సినిమా ఏ రేంజ్ హిట్ అవుతుందో ఇంకా స్పష్టం కావల్సి ఉంది.. వీకెండ్ కలెక్షన్స్, ఓవర్సీస్ రిపోర్ట్ బావుంటే.. విజయ్ ఖాతాలో మంచి హిట్ పడినట్లుగా భావించాల్సి ఉంటుంది..


ree

విజయ్ కిస్.. మిస్సయ్యారు..!


కింగ్ డమ్ సినిమాకి మంచి హైప్ తీసుకువచ్చిన *హృదయం లోపల..!* సాంగ్ అసలు సినిమాలో లేదు.. ఆ పాట ఎప్పుడు వస్తుందా అంటూ సినిమా మొత్తం ఎదురుచూసిన ఫ్యాన్స్ అసలు ఆ సాంగ్ ను సినిమాలో.పెట్టకపోవడంతో చాలా డిజప్పాయింట్ అయినట్లు కనిపిస్తుంది..


చాలా మంది అభిమానులు నేరుగా సినిమా నిర్మాత నాగవంశీ కి కాల్ చేసి సాంగ్ పై నిలదీసినట్లు తెలుస్తోంది. ఈ విషయాన్ని సినిమా సక్సెస్ మీట్ లో స్వయంగా నాగవంశీ తెలిపారు..


నిజానికి ఆ సాంగ్ ఎంతో పాపులర్ అయింది.. కానీ సినిమాలో సాంగ్ చూపించడానికి కావలసిన సందర్భం ఏది లేదు.. నేను అదే విషయాన్ని ఫ్యాన్స్ కు చెబుతున్నా.. మీరు మల్లీ సినిమా చూసి చెప్పండి.. ఎక్కడైనా ఆ సాంగ్ ను పెట్టాల్సినంత సందర్భం ఉందా.. పరిశీలించి చెబితే తప్పకుండా పెట్టేసాను..అంటూ నాగవంశీ చెప్పుకొచ్చారు..! ఫ్యాన్స్ సాంగ్ లో వచ్చే విజయ్ కిస్.. మిస్ అయినట్లుగా అనిపిస్తోందని.. కానీ అసందర్భంగా సాంగ్ చూపించడం వల్ల సినిమా టెంపో దెబ్బతింటుందనే ఆలోచనతోనే యాడ్ చేయలేకపోయారని వంశీ వివరణ ఇచ్చారు..!


మొత్తం మీద సినిమాకు ఒక హైప్ క్రియేట్ చేసిన సాంగ్ అసలు సినిమాలోనే లేకపోవడం నిజంగానే అసంతృప్తి కలిగించే విషయమే..!


బిజినెస్ స్టంట్..?

అయితే దీనిపై ఇంకో ప్రచారమూ ఉంది... నిర్మాత దర్శకుడు కావాలనే సాంగ్ ను సినిమా నుండి తొలగించారని.. కొన్ని రోజుల తర్వాత సాంగ్ యాడ్ చేస్తే...బిగ్ స్క్రీన్ పై సాంగ్ చూడటం కోసం అభిమానులు మళ్ళీ థియేటర్లకు వస్తారనే వ్యూహంతోనే తొలగించి ఉంటారనే ప్రచారం నడుస్తోంది..!

ree

......

Comments


© Copyrights Reserved 2024 By NewSense News | Designed & Developed by Panchayithi.com 

bottom of page