బెట్టింగ్ మాయలో పడి రివాల్వర్ తాకట్టు..!

• బెట్టింగ్ కు బానిసై అప్పులపాలై ఎస్సై..!

• రికవరీ చేసిన చోరీ సొత్తులో బంగారాన్ని తస్కరించి తాకట్టు పెట్టిన ఎస్సై..!

• ఆ డబ్బులు సరిపోకపోవడంతో తన సర్వీస్ రివాల్వర్ తాకట్టు పెట్టిన వైనం..!

• రివాల్వర్ కనిపించడంలేదంటూ బుకాయింపు..!

• విషయం తెలుసుకున్న అధికారులు..!

• వీధుల నుండి సస్పెండ్ చేస్తూ ఆదేశాలు..!

• అంబర్ పేట్ పీఎస్ లో ఎస్సైగా పనిచేస్తున్న భానుప్రకాష్..!

  ......

  
  

  

  బెట్టింగ్ బూతం పోలీసులను కూడా పట్టి పీడిస్తోంది..! ఆన్ లైన్ బెట్టింగ్ కు బానిసైన ఒక ఎస్సై ఉన్నదంతా పోగొట్టుకున్నాడు.. దొరికిన చోటల్లా అప్పులు చేశాడు.. చివరికి ఒక చోరీ కేసులో రికవరీ చేసిన సొత్తును కూడా డబ్బులకోసం తాకట్టు పెట్టేసాడు.. అంతే కాకుండా.. చివరికి అప్పులవాళ్ల బాధ భరించలేక తనకు డిపార్ట్మెంట్ ఇచ్చిన సర్వీస్ రివాల్వర్ ను కూడా తాకట్టు పెట్టాడు.. అటు సొత్తు రికవరీని కోర్టులో చూపించక పోవడం.. ఇటు సర్వీస్ రివాల్వర్ కనిపించకపోవడంతో అనుమానించిన అధికారులు ఏం జరిగిందని ఆరా తీయడంతో అసలు విషయం బయటపడింది.. దీంతో అతన్ని వీధుల నుండి తప్పించడంతో పాటు కేసు నమోదు చేసి విచారణ చేస్తున్నారు..!

  
  

  

  
  

అంబర్ పేట్ పిఎస్ లో ఎస్సైగా భాను ప్రకాష్ క్రైమ్ విభాగంలో పనిచేస్తున్నాడు గతేడాది చివరిలో పీఎస్ పరిధిలో దొంగతనం జరిగింది.. కేసు నమోదు చేసిన పోలీసులు దొంగలను పట్టుకోవడమే కాకుండా చోరీ చేసిన ఐదు తులాల బంగారు నగలు వారినుండి స్వాధీనం చేసుకున్నారు. ఈ ఏడాది జనవరిలో దొంగల అరెస్ట్.. సొత్తు రికవరీ జరిగింది.. అయితే రికవరీ చేసిన సొత్తును నిబంధనల ప్రకారం కోర్టులో అధికారికంగా చూపించాల్సి ఉండగా..క్రైమ్ ఎస్సైగా ఉన్న భానుప్రకాష్ ఆ పని చేయలేదు.. ఏదో ఒక సాకు చెబుతూ దాటవేస్తూ వచ్చాడు. సొత్తు రికవరీ జరిగి ఏడాది కావొస్తున్నా భానుప్రకాష్ సొత్తు రికవరీని అధికారికంగా చూపించకపోవడం.. అతని వద్ద ఉన్న సర్వీస్ రివాల్వర్ కూడా కనిపించకపోవడంతో అధికారులకు అనుమానం వచ్చింది.m రివాల్వర్ గురించి నిలదీయగా ఎక్కడో మరిచిపోయానని కనిపించడంలేదని బుకాయించే ప్రయత్నం చేశాడు.. విషయం ఉన్నతాధికారులవరకు వెళ్ళడంతో వాళ్ళు వెంటనే అతని వ్యవహారంపై ఆరా తీయాలని ఆదేశించారు. దీంతో అసలు విషయం బయటపడింది.

బెట్టింగ్ కు బానిసైన భాను ప్రకాష్ తన జీతం.. సంపాదన అంతా దానికే తగలేశాడని.. పైగా స్నేహితులు తెలిసినవాళ్ళ వద్ద పెద్దమొత్తంలో అప్పులు చేశాడని.. అప్పులు ఇచ్చినవాళ్ళు తిరిగి తమ డబ్బులు ఇవ్వాలని ఒత్తిడి చేయడంతో.. రికవరీ సొత్తు సహా తన సర్వీస్ రివాల్వర్ ను కూడా తాకట్టు పెట్టినట్లుగా విచారణలో తేలింది.. ప్రస్తుతం టాస్క్ ఫోర్స్ పోలీసులు అతన్ని విచారిస్తున్నారు.. కొద్దిరోజుల క్రితమే ఎస్సైని సస్పెండ్ చేసినప్పటికీ.. బయటకు రాలేదు.. కాస్త ఆలస్యంగా విషయం బయటకు పొక్కింది..!