అయ్యో బిడ్డా.. ప్రాణమే పోయింది..!

క్యాన్సర్ వ్యాధి నయం యూపీ వెళ్లారు..

రోడ్డు ప్రమాదంలో కుమారుడి మృతి..

కడప జిల్లాల్లో విషాదం..

......

హైదరాబాద్ : ఉత్తర్ ప్రదేశ్ లో జరిగిన రోడ్డు ప్రమాదంలో కడప జిల్లాకు చెందిన పాలది హర్ష (9) మృతి. కొన్నేళ్లుగా కేన్సర్ తో బాధపడుతున్న హర్ష. ఉత్తర్ ప్రదేశ్ లోని మనోనాధామ్ గల బావిలో నీళ్లు తాగితే కేన్సర్ పోతుందని యూట్యూబ్ రీల్స్ చూసిన తల్లిదండ్రులు బంధువులు. అక్కడికి హర్షను తీసుకువెళ్తే నయమవుతుందేమోనని ఆశపడ్డారు. హర్షను తీసుకుని తండ్రి, బాబాయి మనోనాధామ్ వెళ్లారు. అయితే బావి వద్ద వారికి మూడు కిలోమీటర్ల క్యూ లైన్ కనిపించింది. క్యూలో నిలబడాలని అనుకున్నప్పటికీ.. అంతమందికి నీళ్లు అందే పరిస్థితి లేదని తెలియడంతో నిరాశతో వెనుదిరిగారు . తిరుగు ప్రయాణం కోసం మనోనాధామ్ నుంచి ఢిల్లీకి వెళ్లడానికి క్యాబ్ బుక్ చేసుకున్నారు.

ఈ క్రమంలో తెల్లవారుఝామున వీరు వెళ్తున్న కారును ఎదురుగా వస్తున్న ఓ వాహనం బలంగా ఢీ కొట్టింది. ఈ ప్రమాదంలో బాలుడు హర్ష అక్కడికక్కడే మృతి చెందాడు. బాబాయ్, డ్రైవర్ కు గాయాలయ్యాయి. తండ్రి స్వల్ప గాయాలతో బయటపడ్డాడు.

కేన్సర్ నుంచి కొడుకును రక్షించుకుందామని అంత దూరం తీసుకువెళ్తే ఉన్న ప్రాణం పోయిందని అందరూ కన్నీరు మున్నీరు అవుతున్నారు..

.....