నోటిలో డిటోనేటర్ పెట్టి పేల్చి ప్రియురాలిని క్రూరంగా మట్టుబెట్టిన ప్రియుడు..!

ప్రియుడు రాక్షసుడయ్యాడు..!

ప్రియురాలి నోటిలో ఎలెక్ట్రిక్ డిటోనేటర్ పెట్టి పేల్చివేసి అత్యంత క్రూరంగా చంపేశాడు..!

ఆరేళ్లుగా ప్రేమ పేరుతో అన్నివిధాల వాడుకున్నాడు..

వేరే వ్యక్తిని పెళ్లిచేసుకున్నప్పటికీ.. రెండేళ్ల పాప ఉన్నప్పటికీ.. ప్రియుడితో ప్రేమ కొనసాగించిన యువతి..!

చివరికి వాడు కాలాంతకుడై ఉసురు తీయడంతో అత్యంత దారుణమైన స్థితిలో ప్రాణాలు కోల్పోయింది..!

కర్ణాటక మైసూర్ పరిధిలోని సలిగ్రామ్ లో తాజాగా చోటు చేసుకున్న ఈ ఘటన దేశంలో చోటు చేసుకుంటున్న క్రూర హత్యల పరంపరలో ఒకటిగా నిలుస్తోంది..!

.......

హైదరాబాద్: కర్నాటక మైసూర్ జిల్లా సాలిగ్రామ్ దారుణం జరిగింది. ఇరవై రెండేళ్ల దర్శిత అనే యువతిని ఆమె ప్రియుడు సిద్దరాజు లాడ్జిలో హత్య చేసిన ఘటన తీవ్ర కలకలం రేపింది. దర్శిత నోట్లో ఎలక్ట్రానిక్ డిటోనేటర్ పేల్చి హత్య చేసిన ఘటన అందరిని షాక్కు గురిచేసింది. పేలుడు ధాటికి దర్శిత ముఖం ఛిద్రమయ్యింది.

గుర్తుపట్టని రీతిలో ఆమె ముఖం మారిపోయింది. దర్శితకు రెండేళ్ల క్రితమే కేరళలోని కన్నూరు జిల్లా పడియూర్ కు చెందిన సుభాష్ తో వివాహం జరిగింది.

సుభాష్ దుబాయ్ డ్రైవర్ గా పనిచేస్తున్నాడు సుభాష్ తో పెళ్లికి ముందే సిద్దరాజుతో దర్శిత ప్రేమలో ఉంది. ఒక ఫంక్షన్ లో సిద్ధరాజుతో ఏర్పడిన పరిచయం ప్రేమగా మారింది. మూడేళ్ల పాటు శారీరక సంబంధం కొనసాగించారు. తనను పెళ్లి చేసుకోమని దర్శిత కోరినప్పటికీ సిద్ధరాజు ఏదో ఒక సాకుతో దాటవేస్తూ వచ్చాడు. అయితే కుటుంబ సభ్యులు అభ్యంతరం చెప్పడంతో దర్శిత మనసు మార్చుకుంది. కుటుంబ సభ్యులు కుదిర్చిన సుభాష్ ను వివాహం చేసుకుంది. కొన్నాళ్ల పాటు సిద్ధరాజు తో దూరంగా ఉంది. ఈలోగా దర్శితకు కూతురు జన్మించింది. ఏడాదిన్నర పాటు భార్య, బిడ్డతో ఉన్న సుభాష్ తిరిగి దుబాయ్ వెళ్లిపోయాడు. దీంతో మళ్ళీ సిద్ధరాజు, దర్శిత కలుసుకోవడం మొదలు పెట్టారు. మళ్ళీ యధావిధిగా శారీరక సంబంధం కొనసాగించారు. తాను సుభాష్ తో ఉండలేకపోతున్నానని, అతన్ని వదిలేసి బిడ్డ తో సహా వచేస్తానని దర్శిత చెప్తుండడంతో..ఆమె ఎక్కడ తనకు భారం అవుతుందో అనే ఆలోచనతో సిద్ధరాజు ఆమెను వదిలించుకునేందుకు ప్రయత్నాలు మొదలు పెట్టాడు. అయితే దర్శిత పట్టువీడకపోవడంతో చివరికి ఆమెను కడతేర్చాలని సిద్ధరాజు నిర్ణయానికి వచ్చాడు.

రెండు రోజుల క్రితం కూతురితో సహా దర్శిత ఇంట్లోనుండి వెళ్ళిపోయింది. దర్శిత పుట్టింటికి వెళ్లిపోయినట్టుగా అత్తింటివాళ్లు అనుమానించారు.

ఇంట్లోని నగలు, నగదు కూడా కనిపించకపోవడంతో ఆమెనే తీసుకెళ్లి ఉండొచ్చని భావించారు. అయితే దర్శిత పుట్టింటికి కూడా వెళ్లలేదని తెలియడంతో.. అత్తింటివారు పోలీసులకు ఫిర్యాదు చేసారు. దర్శిత అదృశ్యమైందని, ఆచూకీ తెలపాలంటూ పోలీసులను కోరారు.

ఈలోగా సాలిగ్రామ్ లోని లాడ్జిలో ఒక యువతి దారుణ హత్యకు గురైందని సమాచారం రావడంతో పోలీసులు సారా తీశారు. డిటోనేటర్ పేలుడు దాటికి ముఖం మొత్తం చిద్రం కావడంతో ఇతర ఆధారాలతో హత్యకు గురైన యువతి దర్శితనే అని పోలీసులు నిర్ధారణకు వచ్చారు

ఛార్జింగ్ లో ఉన్న సెల్ ఫోన్ పేలడంతో దర్శిత చనిపోయిందని ముందుగా పోలీసులకు సమాచారమిచ్చిన సిద్ధరాజు.. పోలీసులు తమదైన శైలిలో విచారించడంతో అసలు విషయం చెప్పేశాడు..

తానే దర్శిత నోటిలో ఎలెక్ట్రిక్డి డిటోనేటర్ పెట్టి పేల్చివేశానని అంగీకరించాడు. డిటోనేటర్ వైరును సెల్ ఫోన్ ఛార్జర్ కు ముందు కనెక్ట్ చేసానని, తర్వాత స్విచ్ వేయగానే ఆమె నోటిలో పెట్టిన డిటోనేటర్ పేలిపోయిందని వివరించాడు. అయితే అంతకు ముందే సిద్ధరాజు తీవ్రంగా కొట్టడంతో ఆమె అపస్మారక స్థితిలోకి వెళ్ళిందని, ఆ తర్వాతనే సిద్ధరాజు ఆమె నోటిలో డిటోనేటర్ పెట్టి హత్య చేసినట్లుగా పోలీసుకు తెలిపారు.

యూట్యూబ్ లలో క్రైమ్ స్టోరీలు.. హత్యలు చేసి ఎలా తప్పుదోవ పట్టించవచ్చు అనే వీడియోలను చూస్తున్న కాలాంతకులు ఇలాంటి దారుణాలకు పాల్పడుతున్నారని.. ఎన్ని కుయుక్తులు పన్నినా చేసిన నేరం బయటపడక తప్పదనే విషయాన్ని గుర్తుపెట్టుకోవాలని పోలీసులు హెచ్చరిస్తున్నారు...

......