అమ్మో కల్పికా..! మాకు భయమే..!

ఆమె మానసిక పరిస్థితి బాలేదు..!

డిప్రెషన్ ఒత్తిడిలో స్థిమితం కోల్పోతోంది..!

రెండుసార్లు ఆత్మహత్య ప్రయత్నం చేసింది..!

వైద్యం అందించినా ఫలితం లేదు..!

రీహాబిటేషన్ సెంటర్ కు పంపించండి..!

పోలీసులకు మొర పెట్టుకున్న కల్పిక తండ్రి..!

హైదరాబాద్ : వరుస వివాదాలు గొడవలతో వార్తల్లో నిలుస్తున్న యువ నటి కల్పిక కు అసలు ఏమైంది..? తరచూ పబ్ లు రిసార్ట్ ల చుట్టూ తిరుగుతున్న కల్పిక.. వెళ్ళిన చోటల్లా నిర్వాహకులతో గొడవలు పడటం.. అరవడం.. అసభ్యకరమైన పదజాలంతో దూషించడం.. చేతికి దొరికిన వస్తువులను విసరడం.. అర్థం లేని ఆగ్రహాన్ని ప్రదర్శించడం వంటి చర్యలతో నానా రచ్చ చేస్తోంది. అంతే కాదు తనే గొడవ చేస్తూ ఆ గొడవను సోషల్ మీడియా లో లైవ్ వీడియోలో చూపిస్తూ.. మధ్య మధ్యలో కామెంటేటర్ మాదిరిగా ఏదో ఒకటి చెబుతూ యాగి చేస్తోంది.. నిత్యం వివాదాలతో వార్తలకెక్కుతున్న కల్పిక ప్రవర్తనపై సర్వత్ర విమర్శలు వెల్లువెత్తుతున్నాయి.!

కల్పిక కావాలనే ఇలా చేస్తోందని, పబ్లిసిటీ స్టంట్ కోసం పిచ్చి చేష్టలు చేస్తూ అందరి దృష్టి తనపైన పడేలా ముందస్తు ప్లాన్ తోనే ఇలా చేస్తోందనే ఆరోపణలు కూడా ఉ న్నాయి. సినిమాల్లో అవకాశాలు తగ్గిపోవడంతో మీడియా అట్రాక్షన్ కోసం ఇలా ప్రవర్తిస్తోందని సోషల్ మీడియాలో ఆమెపై విమర్శలు చేస్తున్నారు. ఈ మధ్య కాలంలోనే ఆమె రెండు రిసార్ట్ లలో నిర్వాహక ప్రతినిధులు సిబ్బందితో గొడవలు పడి.. వాటిని వీడియోలు తీసి నానా రచ్చ చేసిన కల్పిక.. తర్వాత వివరణల పేరుతో సెల్ఫీ వీడియోలు విడుదల చేస్తూ తన నిర్వాకాలను

సమర్ధించుకునే ప్ర యత్నం చేస్తోంది..!

అంతే కాదు..! పనిలో పనిగా వ్యక్తిగత అలవాట్లు.. సిగరెట్ మద్యం, ఫ్రెండ్స్ తో రెస్టార్ట్ లలో ఎంజాయ్ చేయడం వంటివి గొప్పగా చేరుకుంటూ మధ్య మధ్యలో హస్కీ వాయిస్ తో అర్థం లేని కామెంట్స్ చేస్తోంది..! సినిమాల్లో.. ఈవెంట్లలో అవకాశాల కోసం ఎంతకైనా తగ్గించడానికి సిద్ధం..! అన్నట్లుగా సెల్ఫీ వీడియోలలో ఆమె రెచ్చగొట్టే మాటలు చూపులు పెదవి విరుపులు ఉంటున్నాయి..!

బిగ్ బాస్ షో లో అవకాశం కోసం కల్పిక చీప్ ట్రిక్స్ కు పాల్పడుతోందని, ఒక నటిగా అన్నిటికి సిద్ధపడినట్లుగా ఆమె వీడియోల ద్వారా చెప్పే ప్రయత్నం చేస్తోందనే ఆరోపణ కూడా సోషల్ మీడియాలో వ్యక్తమవుతోంది..!

అయితే సినిమాలు బిగ్ బాస్ వంటి క్రేజీ సిరీస్ లో అవకాశాల కోసం రకరకాల ప్రయత్నాలు చేయడం సినీ రంగంలో ఉన్న నటులకు సహజమే..! మార్కెటింగ్ స్ట్రాటజీలో ఇదొక భాగం..! ఇపుడు సినీ రంగాల్లో ప్రముఖ స్థానంలో ఉన్న నటీమణులు సైతం కొత్తలో అవకాశాల కోసం.. ఎపుడైనా అవకాశాలు తగ్గిపోతున్న వాతావరణం కనిపిస్తే అప్పుడు కూడా ఒంపుసొంపుల ప్రదర్శనతో ఆకర్షించేవిధంగా ఫోటో షూట్ చేయించుకుని పబ్లిసిటీ చేయిస్తుంటారు..!

ఇక బిగ్ బాస్.. ఓటిటి షోస్ లో అవకాశాల కోసం సినిమా టీవీ నటులనే తేడా లేకుండా.. వివిధ రంగాల్లో పాపులారిటీ సాధించిన వాళ్ళు కూడా నిర్వాహకులను ఆకట్టుకునే ప్రయత్నాలు చేస్తున్నారు.

కాకపోతే పబ్లిసిటీ కోసం ఇలా వివాదాలు సృష్టించడం గొడవలు పడటం దాడులకు పాల్పడటం చేయరు. గొడవలు వివాదాలు పోలీసు కేసుల వరకు వెళ్తే అనవసర ఇబ్బందులు తలెత్తుతాయని, అరెస్టులు కోర్టు చుట్టూ తిరగడం వంటి తలనొప్పులు ఎదురవుతాయనే ఆలోచన ఉంటుంది.. పైగా ఇలాంటి వివాదాలు ఉన్నవాళ్ళకి అవకాశాలు కూడా తగ్గిపోయి మొత్తం కెరీర్ పైనే ప్రభావం పడుతుంది.. ఈ భయాల వల్లనే చాలా మంది వివాదాస్పద పబ్లిసిటీలకు దూరంగా ఉంటారు.

కానీ కల్పిక విషయంలో అందుకు భిన్నంగా ఉంది. గొడవల వల్ల పోలీసు కేసులు నమోదవుతున్నా.. పోలీసుకు ఆమె కదలికలపై దృష్టి పెట్టారనే విషయాలు తెలిసినప్పటికీ ఏ మంత్రం బెరుకు లేకుండా.. మళ్ళీ మళ్ళీ పోయిన చోటల్లా గొడవలు పడుతూనే ఉంది. పోలీసులు నా వెంట పడుతున్నారని.. అందువల్లే తాను రిసార్ట్ లలో గడుపుతున్నానని దర్జాగా ఆమెనే చెప్పేస్తున్నారు. తాజాగా బ్రౌన్ టౌన్ రిసార్ట్ లో గొడవ తర్వాత ఆమె విడుదల చేసిన సెల్ఫీ వీడియోలో పోలీసులు తన వెంటపడుతున్నారని.. వాళ్ళ బాధ భరించలేక రిసార్ట్ లు మారుస్తున్నానంటూ కూల్ గా చెప్తోంది. నానక్ రామ్ గూడ లో ముందుగా ఒక రిసార్ట్ లో ఉన్నానని, అయితే పోలీసులు వెంబడిస్తున్నారని తెలిసి కనకమామిడిలో ఉన్న బ్రౌన్ టౌన్ రిసార్ట్ కు వెళ్ళానంటూ సెల్ఫీ వీడియోలో కల్పిక చెప్పుకొచ్చింది..!

బ్రౌన్ టౌన్ గొడవ పై రిసార్ట్ నిర్వాహకులు పోలీసులకు ఫిర్యాదు చేయడంతో.. ఇది ముందే ఊహించిన కల్పిక కోర్టు ను ఆశ్రయించింది. కల్పికను అరెస్ట్ చేయవద్దని కోర్టు ఆదేశించడంతో ప్రస్తుతానికి అరెస్ట్ తప్పింది...

ఈ పరిణామాల ద్వారా పైకి ఎంత డేర్ డెవిల్ గా కనిపించే ప్రయత్నం చేస్తున్న కల్పిక లోలోన పోలీసులు అరెస్ట్ చేస్తారేమో అన్న భయంతో ఆందోళన చెందుతున్నట్లు కనిపిస్తోంది..!

కాసేపు ఇవన్ని పక్కన బెడితే కల్పిక ఇలా వ్యవహరించడానికి అసలు కారణం ఇపుడు బయటికి రావడం మరో సంచలనం రేపుతోంది..!

అందరికీ షాకిచ్చిన కల్పిక తండ్రి లేఖ..!

కల్పిక మానసిక ఒత్తిడితో మతి స్థిమితం కోల్పోయే పరిస్థితిలో పడిపోయిందని.. తీవ్ర ఒత్తిడి డిప్రెషన్ వల్ల రెండు సార్లు ఆత్మహత్య ప్రయత్నం చేసిందని స్వయంగా ఆమె తండ్రి పరివార్ గణేష్ తెలిపారు. ఆయన స్వయంగా పోలీసులకు లేఖ రాశారు. తమ బిడ్డ మానసిక పరిస్థితి తమను కూడా భయాందోళనకు గురిచేస్తోందని, రెండేళ్ల క్రితమే తీవ్ర మానసిక ఒత్తిడికి గురికావడంతో బంజారాహిల్స్ లోని ఆశ హాస్పిటల్ లో నాలుగు రోజులు ఉంచి చికిత్స చేయించామని గణేష్ తన లేఖ లో పేర్కొన్నారు. తాజాగా గత నెలలో కూడా మరోసారి ఒక రీహాబిటేషన్ సెంటర్ లో థెరపీ చేయించామని ఆయన లేఖ ద్వారా పోలీసులకు వివరించాడు. మానసిక రుగ్మతలతో ఆమె ప్రవర్తిస్తున్న తీరు మా కుటుంబ సభ్యులందరినీ తీవ్ర భయాందోళనలకు గురిచేస్తోందని, ఆమె మానసిక పరిస్థితి దృష్ట్యా ఏమీ అనకూడదని, బుజ్జగించి చెప్పే ప్రయత్నం మాత్రమే చేయాలని, ఏదైనా తీవ్రంగా మందలించే ప్రయత్నం చేస్తే ఇబ్బందేనని ఆమె స్థితి గురించి తెలిసిన వైద్య నిపుణులు సలహా ఇచ్చినందున ఏమీ చేయలేక పోతున్నామని గణేష్ చెప్పారు. డాక్టర్లు సూచించిన ఔషధాలు ఉపయోగించడం కానీ.. ఇతర సలహాలను పాటించడం కానీ చేయడం లేదని, అందువల్లే కల్పిక తరచూ అసాధారణంగా ప్రవర్తిస్తూ అందరినీ ఇబ్బంది పెడుతోందని ఆమె తండ్రి చెప్పారు.. పోలీసులు ఆమెను ఎలాగైనా మళ్ళీ రీహాబిటేషన్ సెంటర్ కు పంపించే ఏర్పాట్లు చేసి తన బిడ్డ ను రక్షించాలని లేఖలో ఆయన మొర పెట్టుకున్నారు. దీనిపై పోలీసులు ఎలా స్పందిస్తారో చూడాల్సి ఉంది.

హాస్పిటల్ లో చేర్పించి వైద్యం చేయించిన ఆధారాలతో స్వయంగా ఆమె తండ్రి లేఖ రాయడంతో నిజంగానే ఆమె మానసిక పరిస్థితిపై కొత్త అనుమానాలు మొదలయ్యాయి.. ఇన్నాళ్లు పబ్లిసిటీ స్టంట్ కోసమే కల్పిక వింతగా ప్రవర్తిస్తూ గొడవలు పడుతోందని భావించిన అందరికీ ఇదొక షాకింగ్ న్యూస్ అని చెప్పొచ్చు. !

కల్పికలో మంచి నటి ఉందని.. అయితే ఆమె స్వయంగా తన వ్యక్తిత్వాన్ని దిగజార్చుకోవడం ద్వారా గుర్తింపు.. అవకాశాలు కోల్పోతోందని బాధ పడుతున్న ఆమె అభిమానులు.. అసలు. ఇష్టం తెలిసాక.. ఇపుడు ఆమె మానసిక పరిస్థితి పూర్తిగా మెరుగుపడాలని, పూర్వం లాగే మంచి నటిగా ఆమె సినీ రంగంలో రాణించాలని కోరుకుంటున్నారు..!

••••