సెక్స్ స్కాండల్ లో కర్ణాటక డీజీపీ..!

కర్ణాటకలో డీజీపీ హోదా కలిగిన ఐపీఎస్ అధికారి ఒకరు తన కార్యాలయంలో మహిళలతో అసభ్యంగా ప్రవర్తించినట్లు చూపించే వీడియో వైరల్ కావడంతో తీవ్ర దుమారం రేపుతోంది..!

ఈ వీడియోలో డిజిపి హోదా కలిగిన ఐపిఎస్ అధికారి డాక్టర్ రామచంద్రరావు ఉన్నట్లు చెబుతున్నారు, ఆయన ప్రస్తుతం పౌర హక్కుల ఎన్‌ఫోర్స్‌మెంట్ డైరెక్టరేట్‌లో డైరెక్టర్ జనరల్ ఆఫ్ పోలీస్‌గా పనిచేస్తున్నారు.

అందుబాటులో ఉన్న సమాచారం ప్రకారం, ఈ ఫుటేజ్ డీజీపీ కార్యాలయంలో రహస్యంగా రికార్డ్ చేయబడింది మరియు అధికారిక పనివేళల్లో డాక్టర్ రామచంద్రరావు మహిళలతో సన్నిహితంగా సంభాషిస్తున్నట్లు చిత్రీకరించబడింది.

మహిళలు వేర్వేరు సందర్భాలలో కార్యాలయాన్ని సందర్శించారని వీడియోలలో కనిపిస్తున్న దృశ్యాలను బట్టి స్పష్టం అవుతోంది..!

రామచంద్రరావు పోలీసు యూనిఫాం ధరించి అధికారిక విధులు నిర్వర్తిస్తున్న సమయంలో వారిని తన కార్యాలయం క్యాబిన్ లో కౌగిలించుకుని ముద్దు పెట్టుకుంటున్నట్లు కనిపిస్తోంది. మహిళలను బలవంతం చేశారని ఎటువంటి ఆరోపణలు ఫిర్యాదులు లేకపోయినప్పటికీ ఎవరు వీడియో తీయించారు... రహస్యంగా చిత్రీకరించడం ఎలా సాధ్యమైంది అనే ప్రశ్నలు ఇపుడు అందరిలో వ్యక్తమవుతున్నాయి..

అవి మార్ఫింగ్ వీడియోలు..!

తనపై వచ్చిన ఆరోపణలను.. బయట వైరల్ అవుతున్న వీడియోలపై డీజీపీ రామచంద్రరావు స్పందించారు. అవన్నీ మార్ఫింగ్ చేసిన వీడియోలు అనీ..తనను ఇబ్బందిపెట్టాలని.. ఉద్యోగం నుండి సస్పెండ్ చేయించాలనే ఆలోచనతో కక్ష కట్టి మార్ఫింగ్ వీడియోలతో సెక్స్ స్కాండల్ అంటూ దుష్ప్రచారం చేస్తున్నారని ఆయన చెప్పుకొచ్చారు..!

విచారణకు ఆదేశించిన సీఎం..!

డీజీపీ రామచంద్రరావు పై వచ్చిన ఆరోపణలపై.. వైరల్ అవుతున్న వీడియోల వ్యవహారంపై కర్ణాటక సీఎం సిద్ధరామయ్య విచారణకు ఆదేశించారు.. విచారణ అనంతరం వీడియోలు నిజమైనవని తేలితే రామచంద్రరావుపై సస్పెన్షన్ వేటు పడే అవకాశముంది..!

..