మావోయిస్టుల మాజీ చీఫ్ ఎక్కడ..?

హైదరాబాద్, న్యూ-సెన్స్ డెస్క్ : మావోయిస్టు మాజీ చీఫ్ గణపతి అలియాస్ ముప్పాళ్ల లక్ష్మణరావుపై ప్రస్తుత పరిస్థితుల్లో రకరకాల కథనాలు వినిపిస్తున్నాయి..!

ఆపరేషన్ కగార్ మొదలైన తర్వాత మిగతా మావోయిస్టులకు కనిపించకుండా పోయాడని.. సురక్షిత ప్రాంతంలో ఉన్నాడని కథనాలు ఆ మధ్య వచ్చాయి..

మావోయిస్టుల చీఫ్ నంబాల కేశవరావు ఎన్కౌంటర్ లో మృతి చెందిన తర్వాత గణపతి మళ్ళీ దళపతిగా పగ్గాలు చేపట్టనున్నట్లు కూడా ప్రచారం జరిగింది..

నంబాల తర్వాత ఎవరు దళపతి అనేది ప్రశ్నార్థకంగానే మిగిలిపోయింది

..

నంబాల ఎన్కౌంటర్ ఈ ఏడాది మే 21న జరిగింది.. అంటే.. ఆరు నెలల క్రితం..! అదే సమయంలో మావోయిస్టులు విపత్కర పరిస్థితుల్లోనే ఉన్నారు.. ఆపరేషన్ కగార్ ఉదృతిలో అనేకమంది ముఖ్య నాయకులు ప్రాణాలు కోల్పోవడం.. మిగతా కీలక నాయకులు పోలీసుల ఎదుట లొంగిపోవడం వంటి పరిణామాలు చోటు చేసుకుంటూ వస్తున్నాయి..!

తిప్పిరి తిరుపతి అలియాస్ దేవ్ జీ ని కేంద్ర కమిటీ చీఫ్ గా ఎన్నుకున్నట్లు ప్రచారం జరిగినప్పటికీ.. ఆ విషయాన్ని ధృవీకరిస్తూ ఇప్పటివరకు మావోయిస్టుల నుండి ఎలాంటి అధికారిక ప్రకటన వెలువడలేదు.. అనధికార చీఫ్ గా ఆయన ప్రస్తుతం కొనసాగుతున్నారు..!

దేవ్ జీ కూడా ప్రస్తుతం ప్రమాదంలో ఉన్నట్లుగా వార్తలు వస్తున్నాయి..!

ఇక గణపతి విషయానికి వస్తే ఆయన విదేశాలకు వెళ్లిపోయి ఏళ్ళు గడుస్తోంది.!

ఆపరేషన్ కగార్ కంటే ముందే ఆయన విదేశాలకు వెళ్లారు.. వెళ్లారు అనడం కంటే.. ఆయనను తరలించారని చెప్పవచ్చు..

అనారోగ్యంతో మంచానికి పరిమితమై నడవలేని పరిస్థితుల్లో ఉన్న గణపతికి రక్షణ కల్పించడం మావో నాయకులకు కష్టంగా మారింది. అంతే కాకుండా ఆయనకు మెరుగైన వైద్యం అందించడం కూడా అనివార్యంగా మారింది.. ఈ నేపథ్యంలోనే ఏళ్ల క్రితమే ఆయనను విదేశాలకు తరలించారు.. ఏ దేశానికి తరలించారు అనే విషయంపై స్పష్టత లేకపోయినప్పటికీ.. ఆయన విదేశాల్లో ఉన్నారనేది సుస్పష్టం..!

ఆయన మావోయిస్టు చీఫ్ గా పగ్గాలు చేపట్టడం కాదు కదా.. కనీసం తన పనులు తాను చేసుకోలేని స్థితిలో ఉన్నాడనేది విశ్వసనీయ వర్గాల ద్వారా తెలుస్తున్న సమాచారం..!

దేశంలో అవసాన దశలో ఉన్న నక్సలిజాన్ని చూసి భయపడి ఇపుడేదో గణపతి ఈ మధ్యనే విదేశాలకు పారిపోయినట్లుగా కొన్ని వార్తా సంస్థలు కథనాలు వేస్తున్నాయి..! కానీ..ఆయన విదేశాలకు వెళ్లి ఏళ్ళు గడుస్తుందనే విషయం తెలియదు..!