మాయా సృష్టి..!

Writer Desk
Jul 27
2 min read

నగరంలో సంచలనం సృష్టించిన సృష్టి టెస్ట్ ట్యూబ్ బేబీ కేసులో కొత్త విషయాలు వెలుగులోకి వచ్చాయి.

అసలు టెస్ట్ ట్యూబ్ బేబీ ప్రక్రియ ఏదీ లేదని, దంపతులను మభ్యపెట్టి డాక్టర్ నమ్రత వారికి వేరే వారికి జన్మించిన బిడ్డను తీసుకు వచ్చి మీ బిడ్డనే అనే, టెస్ట్ ట్యూబ్ పద్ధతిలో పుట్టిన బిడ్డనే అని నమ్మించింది! ఈ విషయం పోలీసుల దర్యాప్తులో స్పష్టమైంది.!

ఈరోజు నిర్వహించిన ప్రెస్ మీట్ లో నార్త్ జోన్ డీసీపీ రష్మీ పెరుమాళ్ దర్యాప్తు వివరాలు వెల్లడించారు..!

డాక్టర్ నమ్రత మొత్తంగా అన్నివిధాలుగా దంపతులను మోసం చేసి నలభై లక్షలు వసూల్ చేసినట్లుగా స్పష్టమైందని డీసీపీ తెలిపారు..!

గోపాలపురం పోలీస్ స్టేషన్ లో ఓ జంట ఇచ్చిన ఫిర్యాదుతో సృష్టి టెస్ట్ ట్యూబ్ బేబీ సెంటర్ పై కేసు నమోదు చేసి దర్యాప్తు చేశామని, మోసపూరిత ఆలోచనతో డాక్టర్ నమ్రత చేసిన అక్రమాలను నిగ్గు తేల్చామని చెప్పారు. ఆన్ లైన్ ప్రకటనల ద్వారా *సృష్టి టెస్ట్ ట్యూబ్ సెంటర్* గురించి తెలుసుకుని రాజస్థాన్ కు చెందిన ఓ జంట సెంటర్ కు వచ్చి డాక్టర్ నమ్రతను కలిసారు..! సరోగసి పద్ధతిలో బేబీని పుట్టించడానికి రూ. 30 లక్షలు ఖర్చు అవుతాయని డాక్టర్ నమ్రత వారికి చెప్పారు.

అందుకు అంగీకరించిన దంపతులు వెంటనే టెస్ట్ ట్యూబ్ కు సంబంధించిన ప్రక్రియ ప్రారంభించాలను చెప్పారు. అందుకోసం దంపతులిద్దరు విజయవాడ వెళ్ళి అక్కడ వీర్యం ఇవ్వాలని నమ్రత సూచించారు. అనుకున్న ప్రకారం వారు విజయవాడ వెళ్లి కావలసిన శ్యాంపిల్ ఇచ్చారు. తర్వాత సరోగసి కోసం అద్దె గర్భం మోసే మహిళ అందుబాటులో ఉందని, ఆమె ద్వారా నే టెస్ట్ ట్యూబ్ బిడ్డ వస్తుందని డాక్టర్ చెప్పారు.

ఈలోగా డాక్టర్ నమ్రత తన అసలు పతకాన్ని అమలు చేశారు. ఢిల్లీకి చెందిన ఓ గర్భిణిని ఫ్లైట్ లో వైజాగ్ తీసుకొచ్చారు. అక్కడ డెలివరీ చేశారు.! అదే బిడ్డ ను ఇక్కడికి తీసుకువచ్చి మీకు బాబు పుట్టాడని దంపతులకు అప్పగించారు. సిజేరియన్ చేశాం కాబట్టి మరో పది లక్షలు అదనంగా ఖర్చు అయిందని, టెస్ట్ ట్యూబ్ కు సహరించిన మహిళకు కూడా కొంత డబ్బు అదనంగా ఖర్చు చేయాల్సి వచ్చిందని దంపతులకు చెప్పిన డాక్టర్ నమ్రత..ముందుగా కుదుర్చుకున్న ఒప్పందం ప్రకారం రూ.30 లక్షలు, అదనంగా చెప్పిన రూ.10 లక్షలు కలిపి దంపతుల వద్ద నుండి మొత్తం రూ.40 లక్షలు డాక్టర్ నమ్రత వసూలు చేశారు.

అనుమానించిన దంపతులు..

దంపతుల వద్ద పెరుగుతున్న బిడ్డకు తరచూ అనారోగ్య సమస్యలు తలెత్తడం, బాబు పోలికలు కూడా వేరుగా ఉండడంతో దంపతులకు అనుమానం మొదలైంది. అసలు బాబుకు తమకు ఎలాంటి పోలికా కనిపించట్లేదని భావించిన దంపతులు అసలు పుట్టింది తమ బిడ్డనేనా కదా అనే అనుమానం బలపడింది. దీంతో వారు డీఎన్ఏ టెస్ట్ చేయించాలని నిర్ణయించుకున్నారు. అనుకున్నట్లుగానే టెస్ట్ చేయించగా అసలు బాబు డీఎన్ఏ కు దంపతుల డీఎన్ఏ కు సంబంధం లేదని స్పష్టంగా తేలిపోయింది..

అంతకు ముందు దంపతులు డాక్టర్ నమ్రతను సంప్రదించారు. బిడ్డ విషయం చెప్పారు. అయితే మీ అనుమానాలన్నీ ఉత్తవేనని, పుట్టింది మీ బిడ్డనే అని మరోసారి బురిడి కొట్టించింది. అయితే డీఎన్ఏ టెస్ట్ చేయించాలని దంపతులు కోరడంతో అందుకు నమ్రత అంగీకరించలేదు..

తాము చేయించిన డీఎన్ఏ టెస్ట్ లో తమ బిడ్డ కాదని తేలిపోయిందని దంపతులు చెప్పడంతో ఒక్కసారిగా కంగుతిన్న నమ్రత.. తన అసలు స్వరూపం చూపించే ప్రయత్నం చేసింది..

తన కొడుకు జయంత్ తో కలిసి దంపతులను బెదిరించే ప్రయత్నం చేసింది నమ్రత..! అయితే ఆమె బెదిరింపులకు ఏ మాత్రం భయపడని దంపతులు పోలీసులకు ఫిర్యాదు చేసారు. దీంతో మొత్తం మోసం వ్యవహారం బయటకు వచ్చిందని డీసీపీ తెలిపారు.

డాక్టర్ నమ్రతపై రెండు రాష్ట్రాల్లో పదికి పైగా కేసులు ఉన్నాయి. IVF ఫెయిల్యూర్.. సరోగసిలో అక్రమాలు వంటి కేసులు నమ్రత పై ఉన్నాయి...

ఈ కేసులో ఇంకా చాలా మంది పాత్ర ఉన్నట్లు అనుమానాలు ఉన్నాయి. ఈ తరహా కార్యకలాపాలకు పాల్పడితే కఠిన చర్యలు తీసుకుంటాము. ఈ కేసుల్లో 8 మందిని అరెస్ట్ చేసాము. ఏడుగురిని రిమాండ్ కు తరలించామని డీసీపీ తెలిపారు.