విద్యార్థుల ప్రాణాలతో చెలగాటమాడుతున్న నమిశ్రీ ప్రాజెక్ట్స్ యాజమాన్యం..!

కొండాపూర్ నమిశ్రీ ప్రాజెక్ట్ నిర్మాణ స్థలంలో భారీ పేలుళ్లు..!

పక్కనే ఉన్న చిరెక్ స్కూల్ విద్యార్థులకు గాయాలు.!

పోలీసులకు ఫిర్యాదు చేసిన చిరెక్ స్కూల్ యాజమాన్యం!

కేసు నమోదు చేసిన పోలీసులు..!

విద్యార్థుల తల్లినండ్రులకు లేఖ రాసిన ప్రిన్సిపాల్.!

....

హైదరాబాద్ : నమిశ్రీ ప్రాజెక్ట్స్ యాజమాన్యం నిర్లక్ష్యం పిల్లల ప్రాణాలకు ముప్పుగా పరిణమిస్తోంది..

పక్కనే పెద్ద స్కూల్ ఉందని, వందల సంఖ్యలో విద్యార్థులు ఉంటారనే కనీస సోయి లేకుండా పట్టా పగలే.. పేలుడు పదార్ధాలతో నిర్మాణ స్థలంలో పనులు చేస్తోంది..

ఉదయం స్కూల్ లో బోధన ప్రారంభమైన తర్వాత భారీ పేలుళ్లు సంభవించడంతో స్కూల్ మొత్తం అదిలిపోయి విద్యార్థులు తీవ్ర భయాందోళనకు గురయ్యారు.. భూకంపం వచ్చిందేమో అనే భయంతో బయటకు పరుగులు తీశారు..

పేలుళ్ల ధాటికి నిర్మాణ స్థలం నుండి బుల్లెట్ల లా దూసుకువచ్చిన రాతి శకలాలు పలువురు విద్యార్థులకు తాకడంతో కొంతమంది విద్యార్థులు గాయాలపాలయ్యారు.. చెవులు చిల్లులు పడే శబ్దం రావడంతో ఉపాధ్యాయులు సిబ్బంది ఓదార్థులంతా భయంతో చాలా సేపు వనికి పోయారు.. అసలేం జరిగిందో తెలుసుకోవడానికి చాలా సమయం పట్టింది..

ఇంతలా భారీ పేలుళ్లకు పాల్పడిన నమిశ్రీ ప్రాజెక్ట్ యాజమాన్యం మాత్రం తమకేమీ పట్టినట్టుగా వ్యవహరించింది...

ఇదే విషయాన్ని విద్యార్థుల తల్లిదండ్రులకు వివరిస్తూ కొండాపూర్ లోని చిరెక్ స్కూల్ ప్రిన్సిపాల్ ఒక లేఖ రాసారు. వాట్సాప్, అధికారికంగా అనుసంధానం చేయబడిన విద్యార్థుల తల్లిదండ్రుల ఇమెయిల్ ఐడి లకు ప్రిన్సిపాల్ లేఖను పంపించారు..

అన్ని నిబంధనలు కాలరస్తూ నమిశ్రీ ప్రాజెక్ట్ యాజమాన్యం వ్యవహరిస్తున్న తీరుపై లేఖలో ప్రిన్సిపాల్ లేఖలో స్పష్టంగా పేర్కొన్నారు..

స్కూల్ పక్కనే ఉన్న స్థలంలో భారీ అపార్ట్ మెంటు భవనాల సముదాయాలను

నమిశ్రీ నిర్మాణ సంస్థ నిర్మిస్తోందని నిబంధనలు విరుద్ధంగా అందులో భారీ పేలుళ్లు చేస్తూ పునాదుల తవ్వకాలు చేస్తోందని..తాజాగా జరిగిన పేలుళ్లలో విద్యార్థులు గాయపడినందున పోలీసులకు ఫిర్యాదు చేశామని, పోలీసులు కేసు ( ఎఫ్ ఐ ఆర్) కూడా నమోదు చేశారని ప్రిన్సిపాల్ లేఖలో పేర్కొన్నారు..

స్కూల్ పిల్లలు ఉన్నారనే ఆలోచన లేకుండా అక్రమ పద్ధతిలో భారీ పేలుళ్లతో విద్యార్థుల ప్రాణాలతో చెలగాటం ఆడుతున్న నమిశ్రీ ప్రాజెక్ట్స్ యాజమాన్యంపై కఠిన చర్యలు తీసుకోవాలని, ప్రాజెక్ట్ అనుమతులను రద్దు చేయాలని విద్యార్థుల తల్లిదండ్రులు డిమాండ్ చేస్తున్నారు..

.......